ಚಂದ್ರಯಾನ 3 ಕುರಿತು ಸಂಪೂರ್ಣ ಮಾಹಿತಿ ಮತ್ತು ಪ್ರಬಂಧ ಭಾರತಕ್ಕೆ ಇದರ ಲಾಭಗಳೇನು? ಏಕೆ?, information about chandrayaan 3

ಈಗ ಜಾಗತಿಕವಾಗಿ ಎಲ್ಲ ದೇಶಗಳ ಕಣ್ಣು ಭಾರತದತ್ತ ತಿರುಗಿದೆ. ಕಾರಣ ನಮ್ಮ ದೇಶ ಕೈಗೊಂಡಿರುವ ಚಂದ್ರಯಾನ 3 ಯೋಜನೆ. ಈಗ ಕ್ಷಣ ಕ್ಷಣಕ್ಕೂ ಸಹ ಚಂದ್ರಯಾನ 3 ಸ್ಥಿತಿ ಏನಿದೆ ಎಂದು ತಿಳಿದುಕೊಳ್ಳುವ ಕುತೂಹಲ ಎಲ್ಲ ದೇಶಗಳದ್ದಾಗಿದೆ.

information about chandrayaan 3

• ಚಂದ್ರಯಾನ 3 ಮಿಷನ್‌ ನ ವಿಕ್ರಮ್ ಲ್ಯಾಂಡರ್ ಚಂದ್ರನ ಅಂಗಳದಲ್ಲಿ ಆಗಸ್ಟ್‌ 23 ರಂದು ಇಳಿಯುವ ಪ್ರಕ್ರಿಯೆ ನಡೆಯುತ್ತಿದೆ. ಈ ಕುರಿತು ಇಸ್ರೊ ಕಳೆದ ಭಾನುವಾರವೇ ತಿಳಿಸಿತ್ತು. ಇಸ್ರೊ ಮಾಹಿತಿ ಪ್ರಕಾರ ಇಂದು (ಬುಧವಾರ) ಸಂಜೆ 06 ಗಂಟೆ 04 ನಿಮಿಷಕ್ಕೆ ವಿಕ್ರಮ್ ಲ್ಯಾಂಡರ್ ಅನ್ನು ಸುರಕ್ಷಿತವಾಗಿ ಲ್ಯಾಂಡ್‌ ಮಾಡುವ ಮಹತ್ವದ ನಿರೀಕ್ಷೆಯನ್ನು ಇಸ್ರೊ ಸಾಗಿಸುತ್ತಿದೆ.

ಚಂದ್ರಯಾನ-3 ಮಿಷನ್ ಯಶಸ್ವಿಯಾಗಲೆಂದು ದೇಶದ ಕೋಟ್ಯಾಂತರ ಜನರು ಪ್ರಾರ್ಥಿಸುತ್ತಿದ್ದು, ಪೂಜೆ, ಯಗ್ಞ-ಯಾಗಾದಿಗಳನ್ನು ಮಾಡುತ್ತಿದ್ದಾರೆ.

ಅಷ್ಟಕ್ಕೂ ಈ ಚಂದ್ರನ ಮೇಲೆ ಇಸ್ರೊ ವಿಕ್ರಂ ಲ್ಯಾಂಡರ್‌ ಅನ್ನು ಕಳುಹಿಸಿರುವುದು ಏಕೆ, ಚಂದ್ರಯಾನ ಮಿಷನ್‌ ನ ಮಹತ್ವವೇನು, ಯಾವ ಕಾರಣಕ್ಕೆ ಈ ಮಿಷನ್‌ ಕೈಗೊಳ್ಳಲಾಗಿದೆ, ಇದರ ಅನುಕೂಲಗಳು ಏನು ಎಂದು ಇಲ್ಲಿ ತಿಳಿಸಲಾಗಿದೆ.

essay on chandrayaan 3 in kannada

ಚಂದ್ರಯಾನ-3 – ಮಿಷನ್ ವಿವರ

ಚಂದ್ರಯಾನ-3 ಮಿಷನ್‌ ಪ್ರಮುಖ ಉದ್ದೇಶಗಳು

ಚಂದ್ರನ ಮೇಲ್ಮೈಯಲ್ಲಿ ಸುರಕ್ಷಿತ ಮತ್ತು ಸರಳವಾದ ಲ್ಯಾಂಡಿಂಗ್ ಅನ್ನು ಪ್ರದರ್ಶಿಸಲು.ಚಂದ್ರನ ಮೇಲೆ ರೋವರ್ ಸಂಚರಿಸುವುದನ್ನು ಪ್ರದರ್ಶಿಸಲು ಮತ್ತುಚಂದ್ರನ ಮೇಲ್ಮೈಯಲ್ಲಿ ವೈಜ್ಞಾನಿಕ ಪ್ರಯೋಗಗಳನ್ನು ನಡೆಸಲು.
ಚಂದ್ರಯಾನ ಮಿಷನ್‌ ಉದ್ದೇಶಗಳನ್ನು ಸಾಧಿಸಲು ಲ್ಯಾಂಡರ್‌ ನಲ್ಲಿ ಹಲವು ಸುಧಾರಿತ ತಂತ್ರಜ್ಞಾನಗಳನ್ನು ಅಳವಡಿಸಲಾಗಿದೆ. ಅವುಗಳೆಂದರೆ..

• ಆಲ್ಜಿಮೀಟರ್‌ಗಳು : ಲೇಸರ್ ಮತ್ತು ಆರ್‌ಎಫ್‌ ಆಧಾರಿತ ಆಲ್ಚಿಮೀಟರ್‌ಗಳನ್ನು ಅಳವಡಿಸಲಾಗಿದೆ.
• ವೆಲೋಸಿಮೀಟರ್‌ಗಳು: ಲೇಸರ್ ಡಾಪ್ಲರ್ ವೆಲೋಸಿಮೀಟರ್ ಮತ್ತು ಲ್ಯಾಂಡರ್ ಹಾರಿಜಾಂಟಲ್ ವೆಲಾಸಿಟಿ ಕ್ಯಾಮೆರಾ ಅಳವಡಿಕೆ.
• ಜಡತ್ವ ಮಾಪನ : ಲೇಸರ್ ಗೈರೋ ಆಧಾರಿತ ಜಡತ್ವ ಉಲ್ಲೇಖ ಮತ್ತು ವೇಗವರ್ಧಕ ಪ್ಯಾಕೇಜ್‌ ಲ್ಯಾಂಡರ್‌ನಲ್ಲಿದೆ.
• ಪ್ರೊಪಲ್ಷನ್ ಸಿಸ್ಟಮ್ : 800N ಥೋಟಲ್ ಮಾಡಬಹುದಾದ ಲಿಕ್ವಿಡ್ ಇಂಜಿನ್‌ಗಳು, 58N ವರ್ತನೆಯ ಥ್ರಸ್ಟಲ್‌ಗಳು ಮತ್ತು ಥ್ರೋಟಲ್ ಎಂಜಿನ್ ನಿಯಂತ್ರಣದ ಇಲೆಕ್ಟ್ರಾನಿಕ್ಸ್‌ಗಳನ್ನು ಹೊಂದಿದೆ.
• ಸಂಚಾರ ಮತ್ತು ಸಂಶೋಧನೆ, ಮಾರ್ಗದರ್ಶನ, ನಿಯಂತ್ರಣ : Descent Trajectory ವಿನ್ಯಾಸ ಪ್ರಾಯೋಜಿತ ಮತ್ತು ಸಹಾಯಕಾರಿ ಸಾಫ್ಟ್‌ವೇರ್‌ ಗಳನ್ನು ಹೊಂದಿದೆ.
• ಅಪಾಯ ಪತ್ತೆ ಮತ್ತು ತಪ್ಪಿಸುವಿಕೆ: ಲ್ಯಾಂಡರ್‌ ಅಪಾಯ ಪತ್ತೆ ಮಾಡುವ ಮತ್ತು ತಪ್ಪಿಸುವಿಕೆಗೆ ಕ್ಯಾಮೆರಾ ಮತ್ತು ಸಂಸ್ಕರಣಾ ಅಲ್ಗಾರಿದಮ್‌ಗಳನ್ನು ಒಳಗೊಂಡಿದೆ.
• ಲ್ಯಾಂಡಿಂಗ್ ಲೆಗ್‌ ಮೆಕ್ಯಾನಿಸಂ ಅನ್ನು ಹೊಂದಿದೆ.

ಇನ್ನು ಓದಿ : ಚಂದ್ರಯಾನ 1 2 3 ಇಸ್ರೋ ಪಯಣ. ಚಂದ್ರಯಾನ ಬಗ್ಗೆ ಪ್ರಬಂಧ

ಚಂದ್ರಯಾನ 3 ಮಿಷನ್‌ ನ ವೆಚ್ಚ

ಚಂದ್ರಯಾನ 3 ಯೋಜನೆಯ ಒಟ್ಟು ವೆಚ್ಚ ರೂ.615 ಕೋಟಿ ಎಂದು ಅಂದಾಜಿಸಲಾಗಿದೆ. ಇಸ್ರೊ ಮಾಜಿ ಅಧ್ಯಕ್ಷ ಕೆ ಶಿವನ್ ಈ ವೆಚ್ಚವನ್ನು ಅಂದಾಜಿಸಿದ್ದರು. ಡಿಸೆಂಬರ್ 2019ರಲ್ಲಿ ಇಸ್ರೊ 75 ಕೋಟಿ ರೂಗಳನ್ನು ಆರಂಭಿಕವಾಗಿಯೇ ವಿನಂತಿಸಿತ್ತು. ಸುಮಾರು 60 ಕೋಟಿಗೂ ಹೆಚ್ಚು ಕೇವಲ ಯಂತ್ರೋಪಕರಣಗಳು, ಉಪಕರಣಗಳಿಗೆ ವೆಚ್ಚವಾಗಿದೆ ಎನ್ನಲಾಗಿದೆ.

ಚಂದ್ರಯಾನ 3 ಮಿಷನ್ ಯೋಜನೆ ಏಕೆ? ಭಾರತಕ್ಕೆ ಇದರ ಲಾಭವೇನು? ಮಹತ್ವವೇನು?

ಬಾಹ್ಯಾಕಾಶದಲ್ಲಿ ಸುವರ್ಣಾಕ್ಷರಗಳ ಸಾಧನೆಗೆ ಭಾರತ ಸಜ್ಜಾಗಿದೆ. ಪ್ರಪಂಚದ ಪ್ರಭಾವಿ ರಾಷ್ಟ್ರಗಳ ಚಿತ್ರ ಭಾರತದತ್ತವಾಗಿದೆ. ಈ ಯೋಜನೆಯ ಯಶಸ್ಸಿನಿಂದ ಭಾರತದ ಪ್ರಬಲತೆ ಇನ್ನಷ್ಟು ಹೆಚ್ಚಲಿದೆ.

ಇಸ್ರೊ ಗಗನನೌಕೆ 40 ದಿನಗಳ ಪರಿಭ್ರಮಣದ ನಂತರ ಇಂದು (ಬುಧವಾರ) ಸಂಜೆ 06 ಗಂಟೆ 04 ನಿಮಿಷಕ್ಕೆ ಚಂದ್ರನ ದಕ್ಷಿಣ ಧ್ರುವ ಸ್ಪರ್ಶಿಸುವ ನಿರೀಕ್ಷೆಯಲ್ಲಿದೆ. ಇದು ಜುಲೈ 14 ರಿಂದ ನಿರಂತರ 40 ದಿನಗಳ ಪಯಣ ಮಾಡಿದೆ. ಲ್ಯಾಂಡರ್ (ವಿಕ್ರಮ್) ಮತ್ತು ರೋವರ್ (ಪ್ರಜ್ಞಾನ್) ಒಳಗೊಂಡಿರುವ ಚಂದ್ರನೌಕೆ ಲ್ಯಾಂಡಿಂಗ್ ಯಶಸ್ವಿಯಾದರೆ ಭಾರತ ಚಂದ್ರನ ಮೇಲ್ಮೈಯಲ್ಲಿ ಸಾಫ್ಟ್‌ ಲ್ಯಾಂಡಿಂಗ್ ಮಾಡಿದ ನಾಲ್ಕನೇ ದೇಶವಾಗಲಿದೆ. ಚೀನಾ, ರಷ್ಯಾ, ಅಮೆರಿಕ ಈಗಾಗಲೇ ಈ ಪ್ರಯತ್ನದಲ್ಲಿ ಗೆದ್ದಿವೆ. ಭಾರತದ ಚಂದ್ರನೌಕೆ ಚಂದ್ರನ ಮೇಲೆ ಸಂಚರಿಸಿ ಸ್ಥಳದಲ್ಲಿ ವೈಜ್ಞಾನಿಕ ಅಧ್ಯಯನ, ಪ್ರಯೋಗ ನಡೆಸಲಿದೆ.

ನೌಕೆಯು ಪೇಲೋಡ್‌ಗಳನ್ನು ಹೊಂದಿದ್ದು, ಇದು ಚಂದ್ರನ ಮೇಲ್ಮೈ ಪ್ಲಾಸ್ಮಾ ಆಯಾನುಗಳು ಮತ್ತು ಇಲೆಕ್ಟ್ರಾನ್‌ಗಳ ಸಾಂದ್ರತೆ, ಅದರ ಬದಲಾವಣೆಗಳನ್ನು ಅಳೆಯಲು ನೆರವಾಗುತ್ತದೆ. ಭೌತಿಕ ಪ್ರಯೋಗಗಳು, ಅಧ್ಯಯನಗಳು, ಅಲ್ಲಿನ ಧ್ರುವ ಪ್ರದೇಶದ ಬಳಿ ಚಂದ್ರನ ಮೇಲ್ಮೈಯ ಉಷ್ಣ ಗುಣಲಕ್ಷಣಗಳ ಮಾಪನ, ಚಂದ್ರನ ಭೂಕಂಪನ ಚಟುವಟಿಕೆ, ಅಲ್ಲಿನ ಖನಿಜ ಸಂಯೋಜನೆ, ಹೊರಪದರ ರಚನೆ, ಮಣ್ಣು, ಬಂಡೆಗಳು, ರಸಾಯನಿಕ ಗುಣಗಳು, ಇತರೆ ಹಲವು ಅಂಶಗಳ ಅಧ್ಯಯನವನ್ನು ಚಂದ್ರಯಾನ ನಡೆಸಲಿದೆ.

ಚಂದ್ರಯಾನ-3 ರ ಮಿಷನ್ ಉದ್ದೇಶಗಳು:

1. ಚಂದ್ರನ ಮೇಲ್ಮೈಯಲ್ಲಿ ಸುರಕ್ಷಿತ ಮತ್ತು ಸಾಫ್ಟ್ ಲ್ಯಾಂಡಿಂಗ್ ಅನ್ನು ಪ್ರದರ್ಶಿಸಲು
2. ಚಂದ್ರನ ಮೇಲೆ ರೋವರ್ ಸಂಚರಿಸುವುದನ್ನು ಪ್ರದರ್ಶಿಸಲು ಮತ್ತು
3. ಸ್ಥಳದಲ್ಲಿ ವೈಜ್ಞಾನಿಕ ಪ್ರಯೋಗಗಳನ್ನು ನಡೆಸಲು.

ಮಿಷನ್ ಉದ್ದೇಶಗಳನ್ನು ಸಾಧಿಸಲು, ಲ್ಯಾಂಡರ್‌ನಲ್ಲಿ ಹಲವಾರು ಸುಧಾರಿತ ತಂತ್ರಜ್ಞಾನಗಳಿವೆ, ಉದಾಹರಣೆಗೆ,

1. ಆಲ್ಟಿಮೀಟರ್‌ಗಳು: ಲೇಸರ್ ಮತ್ತು RF ಆಧಾರಿತ ಆಲ್ಟಿಮೀಟರ್‌ಗಳು
2. ವೆಲೋಸಿಮೀಟರ್‌ಗಳು: ಲೇಸರ್ ಡಾಪ್ಲರ್ ವೆಲೋಸಿಮೀಟರ್ ಮತ್ತು ಲ್ಯಾಂಡರ್ ಹಾರಿಜಾಂಟಲ್ ವೆಲಾಸಿಟಿ ಕ್ಯಾಮೆರಾ
3. ಜಡತ್ವ ಮಾಪನ: ಲೇಸರ್ ಗೈರೋ ಆಧಾರಿತ ಜಡತ್ವ ಉಲ್ಲೇಖ ಮತ್ತು ವೇಗವರ್ಧಕ ಪ್ಯಾಕೇಜ್
4. ಪ್ರೊಪಲ್ಷನ್ ಸಿಸ್ಟಮ್: 800N ಥ್ರೊಟಲ್ ಮಾಡಬಹುದಾದ ಲಿಕ್ವಿಡ್ ಇಂಜಿನ್ಗಳು, 58N ವರ್ತನೆ ಥ್ರಸ್ಟರ್ಗಳು ಮತ್ತು ಥ್ರೊಟಲ್ ಎಂಜಿನ್ ಕಂಟ್ರೋಲ್ ಎಲೆಕ್ಟ್ರಾನಿಕ್ಸ್
5. ನ್ಯಾವಿಗೇಷನ್, ಗೈಡೆನ್ಸ್ & ಕಂಟ್ರೋಲ್ (NGC): ಪವರ್ಡ್ ಡಿಸೆಂಟ್ ಟ್ರ್ಯಾಜೆಕ್ಟರಿ ವಿನ್ಯಾಸ ಮತ್ತು ಅಸೋಸಿಯೇಟ್ ಸಾಫ್ಟ್‌ವೇರ್ ಅಂಶಗಳು
6. ಅಪಾಯ ಪತ್ತೆ ಮತ್ತು ತಪ್ಪಿಸುವಿಕೆ: ಲ್ಯಾಂಡರ್ ಅಪಾಯ ಪತ್ತೆ ಮತ್ತು ತಪ್ಪಿಸುವಿಕೆ ಕ್ಯಾಮರಾ ಮತ್ತು ಸಂಸ್ಕರಣಾ ಅಲ್ಗಾರಿದಮ್
7. ಲ್ಯಾಂಡಿಂಗ್ ಲೆಗ್ ಮೆಕ್ಯಾನಿಸಂ.

ಭೂಮಿಯ ಸ್ಥಿತಿಯಲ್ಲಿ ಮೇಲಿನ ಸುಧಾರಿತ ತಂತ್ರಜ್ಞಾನಗಳನ್ನು ಪ್ರದರ್ಶಿಸಲು, ಹಲವಾರು ಲ್ಯಾಂಡರ್ ವಿಶೇಷ ಪರೀಕ್ಷೆಗಳನ್ನು ಯೋಜಿಸಲಾಗಿದೆ ಮತ್ತು ಯಶಸ್ವಿಯಾಗಿ ನಡೆಸಲಾಗಿದೆ.

1. ಇಂಟಿಗ್ರೇಟೆಡ್ ಕೋಲ್ಡ್ ಟೆಸ್ಟ್ – ಹೆಲಿಕಾಪ್ಟರ್ ಅನ್ನು ಪರೀಕ್ಷಾ ವೇದಿಕೆಯಾಗಿ ಬಳಸಿಕೊಂಡು ಸಂಯೋಜಿತ ಸಂವೇದಕಗಳು ಮತ್ತು ನ್ಯಾವಿಗೇಷನ್ ಕಾರ್ಯಕ್ಷಮತೆ ಪರೀಕ್ಷೆಯ ಪ್ರದರ್ಶನಕ್ಕಾಗಿ
2. ಇಂಟಿಗ್ರೇಟೆಡ್ ಹಾಟ್ ಟೆಸ್ಟ್ – ಟವರ್ ಕ್ರೇನ್ ಅನ್ನು ಪರೀಕ್ಷಾ ವೇದಿಕೆಯಾಗಿ ಬಳಸುವ ಸಂವೇದಕಗಳು, ಆಕ್ಟಿವೇಟರ್‌ಗಳು ಮತ್ತು ಎನ್‌ಜಿಸಿಯೊಂದಿಗೆ ಮುಚ್ಚಿದ ಲೂಪ್ ಕಾರ್ಯಕ್ಷಮತೆ ಪರೀಕ್ಷೆಯ ಪ್ರದರ್ಶನಕ್ಕಾಗಿ
3. ವಿಭಿನ್ನ ಟಚ್ ಡೌನ್ ಪರಿಸ್ಥಿತಿಗಳನ್ನು ಅನುಕರಿಸುವ ಚಂದ್ರನ ಸಿಮ್ಯುಲಂಟ್ ಪರೀಕ್ಷಾ ಹಾಸಿಗೆಯ ಮೇಲೆ ಲ್ಯಾಂಡರ್ ಲೆಗ್ ಯಾಂತ್ರಿಕ ಕಾರ್ಯಕ್ಷಮತೆ ಪರೀಕ್ಷೆ.

essay on chandrayaan 3 in kannada

ಚಂದ್ರಯಾನ-3 ಲ್ಯಾಂಡರ್

ಚಂದ್ರಯಾನ-3 ರೋವರ್

ಚಂದ್ರಯಾನದಿಂದ ಭಾರತಕ್ಕೆ ಲಾಭಗಳು
ಭಾರತವು ಚಂದ್ರಯಾನ ಯಶಸ್ವಿಯಿಂದ ಆರ್ಥಿಕವಾಗಿ, ಪ್ರವಾಸೋಧ್ಯಮ, ಸಂಶೋಧನೆ, ಇತರೆ ಹಲವು ಆಯಾಮಗಳಲ್ಲಿ ಲಾಭ ಪಡೆಯಲಿದೆ. ಚಂದ್ರ ಮತ್ತು ಅದರ ಕಕ್ಷೆಗೆ ಸಂಬಂಧಪಟ್ಟ ಸಂಪನ್ಮೂಲಗಳ ಉತ್ಪಾದನೆ, ಬಳಕೆ ಮತ್ತು ವಿನಿಮಯದ ಚಟುವಟಿಕೆಯನ್ನು ಚಂದ್ರನ ಆರ್ಥಿಕತೆ ಒಳಗೊಂಡಿರುತ್ತದೆ ಎನ್ನಲಾಗಿದೆ. ಚಂದ್ರಯಾನದ ಪ್ರತಿ ಅಧ್ಯಯನ ಅಂಶಗಳು, ಅಲ್ಲಿಂದ ತೆಗೆದ ಫೋಟೋಗಳು, ಎಲ್ಲವೂ ಸಹ ಭಾರತದ ಆಸ್ತಿಯಾಗಲಿವೆ. ಇದರಿಂದ ಎಲ್ಲವೂ ಚಂದ್ರಯಾನದ ಆರ್ಥಿಕತೆ ಆಗುತ್ತದೆ. ಇದರ ಯಶಸ್ಸಿನಿಂದ ಭಾರತಕ್ಕೆ ಆಗುವ ಮತ್ತೊಂದು ಲಾಭವೆಂದರೆ ಇಲ್ಲಿಯತನಕ ಯಾರು ಸ್ಪರ್ಶಿಸದ ಚಂದ್ರನ ದಕ್ಷಿಣ ಧ್ರುವವನ್ನು ಅನ್ವೇಷಿಸಿದ ಕೀರ್ತಿ ನಮ್ಮ ದೇಶಕ್ಕೆ ಸಲ್ಲುತ್ತದೆ. ಈ ಧ್ರುವ ಬಾಹ್ಯಾಕಾಶದ ಸಂಶೋಧಕರಿಗೆ ಬಹಳ ಕುತೂಹಲಕಾರಿಯಾದುದು. ಅಲ್ಲಿ ಸೂರ್ಯನ ಬೆಳಕು ಬೀಳದ ಕಾರಣ, ವಿಶಿಷ್ಟ ಭೌಗೋಳಿಕ ಲಕ್ಷಣಗಳು ಮತ್ತು ಇತಿಹಾಸದಿಂದ ವೈಜ್ಞಾನಿಕವಾಗಿ ಆಸಕ್ತಿದಾಯಕವಾಗಿದೆ.

ಎಲ್ಲಾ ಆಯಾಮಗಳಿಂದ ಚಂದ್ರಯಾನ 3 ರ ಮಾಹಿತಿಗೆ ಬೇಡಿಕೆ ಹೆಚ್ಚಾಗುವುದರಲ್ಲಿ ಸಂಶಯವಿಲ್ಲ. ಆ ಮಾಹಿತಿ ನಮ್ಮ ರಾಷ್ಟ್ರದ್ದಾಗಲಿದೆ ಎಂಬುದು ಗಮನಾರ್ಹ. ವೈಜ್ಞಾನಿಕ ಕ್ಷೇತ್ರದೊಂದಿಗೆ ಈ ಡಾಟಾ ಮನರಂಜನಾ ಕ್ಷೇತ್ರಕ್ಕೆ ಕೂಡ ಇದರ ಮಾಹಿತಿ ಅಗತ್ಯವಾಗಿದೆ. ಅಲ್ಲಿನ ಛಾಯಾಚಿತ್ರಗಳು, ವಿಡಿಯೋ, ಶಬ್ದಗಳನ್ನು ಸಿನಿಮಾ, ಸಾಕ್ಷ್ಯಚಿತ್ರ, ವಿಡಿಯೋ ಗೇಮ್‌ ಮುಂತಾದವುಗಳಲ್ಲಿ ಬಳಕೆಗೆ ಖರೀದಿ ಮಾಡುವುದರಿಂದ ಇದು ಆರ್ಥಿಕತೆ ಆಗುತ್ತದೆ. ಉದಾಹರಣೆಗೆ 2021 ರಲ್ಲಿ ಆರ್ಟೆಮಿಸ್ ಕಾರ್ಯಕ್ರಮದ ಮಾಹಿತಿಯಿಂದ ನಾಸಾ ಸುಮಾರು 2.2 ಬಿಲಿಯನ್ ಡಾಲರ್‌ ಸಂಪಾದನೆ ಮಾಡಿದ್ದನ್ನು ಹಾಗೂ ಅದರೊಂದಿಗೆ ಸುಮಾರು 37 ಸಾವಿರಕ್ಕೂ ಹೆಚ್ಚು ಉದ್ಯೋಗ ಸೃಷ್ಟಿಯಾಗಿದ್ದನ್ನು ಸ್ಮರಿಸಬಹುದಾಗಿದೆ.

ಚಂದ್ರಯಾನ ಸಂಶೋಧನೆ ಯಶಸ್ಸಿನಿಂದ ಮುಂದೆ ಬಾಹ್ಯಾಕಾಶ ಪ್ರವಾಸೋದ್ಯಮವು ಟ್ರೆಂಡ್‌ ಆಗುವ ಅವಕಾಶಗಳಿವೆ. ಎಲಾನ್‌ ಮಸ್ಕ್‌ನ ಸ್ಪೇಸ್‌ಎಕ್ಸ್‌ ಸಂಸ್ಥೆ ಬ್ಯಾಹ್ಯಾಕಾಶ ಪ್ರವಾಸ ಆಯೋಜಿಸಿತ್ತು. ಇದೇ ರೀತಿ ಇದರ ಯಶಸ್ಸು ಇನ್ನಷ್ಟು ಬಾಹ್ಯಾಕಾಶ ಟ್ರಾವೆಲಿಸಂಗೆ ಅಧಿಕೃತ ಮುನ್ನುಡಿ ಬರೆಯಲಿದೆ.

ಒಟ್ಟಾರೆ ಹೇಳುವುದಾದರೆ ಚಂದ್ರಯಾನ-3 ಮಿಷನ್‌ ನಿಂದ ಚಂದ್ರನ ಮೈಲ್ಮೈನಲ್ಲಿ ನಡೆಸಿದ ಪ್ರತಿ ಅಧ್ಯಯನ, ಅಲ್ಲಿನ ಸಿಗುವ ಮಾಹಿತಿಗಳು ಎಲ್ಲವೂ ಸಹ ಭಾರತಕ್ಕೆ ಹೆಚ್ಚು ಲಾಭದಾಯಕವಾಗಲಿವೆ. ಭಾರತ ವೈಜ್ಞಾನಿಕ /ಬಾಹ್ಯಾಕಾಶ ಸಂಶೋಧನೆ ಕ್ಞೇತ್ರದಲ್ಲಿಯೂ ಪ್ರಬಲ ರಾಷ್ಟ್ರವಾಗಿ ಜಾಗತಿಕ ಮನ್ನಣೆ ಪಡೆಯಲಿದೆ.