ರಾಜ್ಯ ಆರೋಗ್ಯ ಇಲಾಖೆ ಜನಸಾಮಾನ್ಯರಿಗಾಗಿ ಮತ್ತೊಂದು ನೂತನ ಯೋಜನೆ ಜಾರಿಗೆ ತಂದಿದ್ದು, ಇದು ಆರೋಗ್ಯ ಸಮಸ್ಯೆಗಳಿಗೆ ಸುಲಭ ಪರಿಹಾರ ಒದಗಿಸಲು ಸಹಾಯಕರವಾಗಲಿದೆ. “ಎರಡನೇ ವೈದ್ಯಕೀಯ ಅಭಿಪ್ರಾಯ ಸಹಾಯವಾಣಿ” ಎಂಬ ಈ ಕಾರ್ಯಕ್ರಮದ ಮೂಲಕ ಸಾರ್ವಜನಿಕರು ಉಚಿತವಾಗಿ ತಜ್ಞ ವೈದ್ಯರಿಂದ ಸಮಾಲೋಚನೆ ಪಡೆಯಬಹುದು.
ಯೋಜನೆಯ ಹೈಲೈಟ್ಸ್:
- ಉಚಿತ ವೈದ್ಯಕೀಯ ಅಭಿಪ್ರಾಯ:
ಕ್ಲಿಷ್ಟಕರ ಶಸ್ತಚಿಕಿತ್ಸೆ ಅಥವಾ ಆರೋಗ್ಯ ಸಮಸ್ಯೆಗಳಿಗೆ ಸಂಬಂಧಿಸಿದಂತೆ ವೈದ್ಯರು ಶಿಪಾರಸ್ಸು ಮಾಡಿದ ಸಲಹೆಗಳಿಗೆ ಮತ್ತೊಬ್ಬ ತಜ್ಞ ವೈದ್ಯರಿಂದ ಅಭಿಪ್ರಾಯ ಪಡೆಯುವ ಅವಕಾಶ. - ಸಹಾಯವಾಣಿ ಸಂಖ್ಯೆ:
ಜನರು 1800 4258 330 ಸಹಾಯವಾಣಿ ಸಂಖ್ಯೆಗೆ ಕರೆಮಾಡಿ, ಉಚಿತವಾಗಿ ಮನೆಲ್ಲೇ ಕುಳಿತು ಎರಡನೇ ವೈದ್ಯಕೀಯ ಅಭಿಪ್ರಾಯ ಪಡೆಯಬಹುದು. - ವಾಟ್ಸಾಪ್ ಮೂಲಕ ಸೇವೆ:
ವೈದ್ಯಕೀಯ ದಾಖಲೆಗಳನ್ನು ವಾಟ್ಸಾಪ್ ಮೂಲಕ ತಜ್ಞರಿಗೆ ರವಾನಿಸಿ, ಶಸ್ತಚಿಕಿತ್ಸೆ ಅಥವಾ ರೋಗ ನಿರ್ಣಯಕ್ಕೆ ಸಂಬಂಧಿಸಿದ ಹೆಚ್ಚಿನ ಮಾಹಿತಿಯನ್ನು ಪಡೆಯಬಹುದು. - ದಿನನಿತ್ಯ 24/7 ಸೇವೆ:
ಈ ಸೇವೆ ಸುವರ್ಣ ಆರೋಗ್ಯ ಸುರಕ್ಷಾ ಟ್ರಸ್ಟ್ ಮೂಲಕ ದಿನಕ್ಕೆ 24 ಗಂಟೆ, ವಾರದಲ್ಲಿ 7 ದಿನಗಳು ಲಭ್ಯವಿದೆ.
ಎರಡನೇ ವೈದ್ಯಕೀಯ ಅಭಿಪ್ರಾಯದ ಮಹತ್ವ:
ವೈದ್ಯರೊಂದಿಗೆ ಪ್ರಾಥಮಿಕ ಸಮಾಲೋಚನೆ ಮಾಡಿದ ನಂತರ, ಶಸ್ತಚಿಕಿತ್ಸೆ ಅಥವಾ ಚಿಕಿತ್ಸೆ ಕುರಿತಂತೆ ಇತರ ತಜ್ಞರ ಅಭಿಪ್ರಾಯ ಪಡೆಯುವುದು ರೋಗಿಯ ಚಿಕಿತ್ಸೆಗೆ ಹಿತಕರ ಮತ್ತು ಖರ್ಚು ಕಡಿಮೆ ಮಾಡುತ್ತದೆ. ಈ ಹೊಸ ಯೋಜನೆ, ವೈದ್ಯಕೀಯ ಸಲಹೆಗಳನ್ನು ಆರ್ಥಿಕ ವೆಚ್ಚವಿಲ್ಲದೆ ಪಡೆಯುವಂತಾಗಿದೆ.
ಪ್ರಯೋಜನ ಪಡೆಯುವ ವಿಧಾನ:
- ಸಹಾಯವಾಣಿ ಸಂಖ್ಯೆಗೆ ಕರೆ ಮಾಡಿ.
- ನಿಮ್ಮ ವೈದ್ಯಕೀಯ ದಾಖಲೆಗಳನ್ನು ವಾಟ್ಸಾಪ್ ಮೂಲಕ ರವಾನಿಸಿ.
- ತಜ್ಞ ವೈದ್ಯರಿಂದ ಚಿಕಿತ್ಸೆ ಮತ್ತು ಶಸ್ತಚಿಕಿತ್ಸೆ ಕುರಿತ ಸಲಹೆ ಪಡೆಯಿರಿ.
ಯಾರು ಈ ಯೋಜನೆಯ ಪ್ರಯೋಜನ ಪಡೆಯಬಹುದು?
ಎಲ್ಲಾ ನಾಗರಿಕರು, ವಿಶೇಷವಾಗಿ ಆರ್ಥಿಕವಾಗಿ ಹಿಂದುಳಿದ ಕುಟುಂಬಗಳು, ಈ ಸೇವೆಯನ್ನು ಸಂಪೂರ್ಣ ಉಚಿತವಾಗಿ ಪಡೆಯಬಹುದು.
ಯೋಜನೆಯ ಉದ್ದೇಶ:
- ಗೊಂದಲ ನಿವಾರಣೆ ಮಾಡುವುದು.
- ಶಸ್ತಚಿಕಿತ್ಸೆ ಪರಿಹಾರಗಳಿಗೆ ಸ್ಪಷ್ಟತೆ ನೀಡುವುದು.
- ಹಣ ಮತ್ತು ಸಮಯ ಉಳಿತಾಯ ಮಾಡುವುದು.
ಈ ಯೋಜನೆ ರಾಜ್ಯ ಸರ್ಕಾರದ ಆರೋಗ್ಯ ಸೇವೆಗಳತ್ತ ಮತ್ತೊಂದು ಮಹತ್ವದ ಹೆಜ್ಜೆ ಎಂದು ಜನರು ಪ್ರಶಂಸಿಸುತ್ತಿದ್ದಾರೆ. ಆರೋಗ್ಯ ಸಮಸ್ಯೆಗಳಿಗೂ ಚಿಕಿತ್ಸೆಗೂ ಬೆಲೆ ಕಟ್ಟಲಾಗದು, ಆದರೆ ಈ ಯೋಜನೆಯಿಂದ ಹಣಕಾಸಿನ ಅಡಚಣೆ ಇರುವವರಿಗೆ ದೊಡ್ಡ ನೆರವು ಸಿಗಲಿದೆ.
ಇದರ ಬಗ್ಗೆ ಹೆಚ್ಚಿನ ಮಾಹಿತಿಗೆ:
- ಸಹಾಯವಾಣಿ ಸಂಖ್ಯೆ: 1800 4258 330
- ಸಂಪರ್ಕ ಮಾಧ್ಯಮ: ವಾಟ್ಸಾಪ್ ಮೂಲಕ ವೈದ್ಯಕೀಯ ದಾಖಲೆ ರವಾನಿಸಲು ಅವಕಾಶ.
- ಕ್ಲಿಷ್ಟಕರ ಶಸ್ತಚಿಕಿತ್ಸೆಗಳಿಗೆ ಸಂಬಂಧಿಸಿದಂತೆ ತಜ್ಞರ ಸಲಹೆ: ಮೊಣಕಾಲು, ಸೊಂಟದ ಕೀಲು ಬದಲಾವಣೆ ಶಸ್ತಚಿಕಿತ್ಸೆಗಳು ಮೊದಲಾದವು.
